ಕನ್ನಡ ಕಥೋಲಿಕ ಬೈಬಲ್
1 : ನಮ್ಮ ದೇವರೇ, ನೀವಾದರೋ,
ದಯಾಳು, ಸತ್ಯವಂತರು
ಸಹನಾಶೀಲರು, ಕರುಣೆಯಿಂದ ಎಲ್ಲವನ್ನು
ಪರಿಪಾಲಿಸುವವರು.
2 : ನಾವು ಪಾಪಿಗಳಾದರೂ ನಿಮ್ಮವರೇ
ಆಗಿದ್ದೇವೆ
ನಿಮ್ಮ ಶಕ್ತಿಸಾಮಥ್ರ್ಯವನ್ನು ಅರಿತಿದ್ದೇವೆ
ನಿಮ್ಮವರೆಂದು ತಿಳಿದು ಪಾಪದಿಂದ
ದೂರವಿರುತ್ತೇವೆ.
3 : ನಿಮ್ಮನ್ನು ಅರಿವುದೇ ಸಂಪೂರ್ಣ ಸತ್ಯ
ನಿಮ್ಮ ಶಕ್ತಿಯ ತಿಳಿವು ಅಮರತ್ವಕೆ
ಮೂಲ.
4 : ಮನುಷ್ಯ ಜಾಣ್ಮೆಯಿಂದಾದ
ಕಲಾಕೃತಿಯಿಂದಾಗಲಿ
ಬಣ್ಣಗಾರನ ಬೆಡಗಿನ
ದುಡಿಮೆಯಿಂದಾಗಲಿ
ರಂಗುರಂಗಿನ ವಿಗ್ರಹಗಳಿಂದಾಗಲಿ
ಹಿಡಿದಿಲ್ಲ ನಾವು ಅಡ್ಡಹಾದಿ.
5 : ಇವುಗಳ ನೋಟವೇ ಸಾಕು, ಮೂರ್ಖರಲ್ಲಿ
ದುರಾಶೆ ಕೆರಳಿಸಲು
ಉಸಿರಿಲ್ಲದ ರೂಪದತ್ತ ಅವರನು
ಆಕರ್ಷಿಸಲು.
6 : ಇವುಗಳನು ಮಾಡುವವರು, ಬಯಸು
ವವರು ಹಾಗೂ ಪೂಜಿಸುವವರು
ಕೇಡನ್ನು ಪ್ರೀತಿಸುವಂಥವರು, ಅದರ
ನಿರೀಕ್ಷೆಗೆ ಅವರು ಪಾತ್ರರು.
ಕುಂಬಾರ ಮಾಡಿದ ಬೊಂಬೆ
7 : ಕುಂಬಾರ ಪ್ರಯಾಸದಿಂದ ನಾದುತ್ತಾನೆ
ಜೇಡಿಮಣ್ಣನು
ನಮ್ಮ ಪ್ರಯೋಜನಕ್ಕಾಗಿ ರೂಪಿಸುತ್ತಾನೆ
ಮಡಕೆಯನು.
ಉಚ್ಛ ಬಳಕೆಗೂ ನೀಚಬಳಕೆಗೂ ಅದೇ
ಮಣ್ಣನು ಪ್ರಯೋಗಿಸುತ್ತಾನೆ
ಯಾವ ಬಳಕೆಗೆ ಯಾವ ಮಡಕೆ ಎಂದು
ನಿಶ್ಚಯಿಸುವವನು ಅವನೇ.
8 : ತುಸುಕಾಲಕ್ಕೆ ಹಿಂದೆ ತಾನೇ ಉಂಟಾದನು
ಮಣ್ಣಿನಿಂದ
ತನ್ನ ಪ್ರಾಣ ಋಣವನು ತೀರಿಸಬೇಕೆಂಬ
ಕೇಳಿಕೆ ಬಂದಾಗ
ಅದೇ ಮಣ್ಣಿಗೆ ಮರಳುತ್ತಾನೆ ತುಸು
ಕಾಲದ ನಂತರ.
ರೂಪಿಸುತ್ತಾನೆ ಸುಳ್ಳು ದೇವರನು ಅದೇ
ಕುಂಬಾರ; ಅದೆಂಥ ನಿರರ್ಥಕ ಕೆಲಸ!
9 : ಸಾಯಲೇಬೇಕಾದರೂ ಜೀವನ ಕಿಂಚಿತ್ತು
ಎಂಬ ಚಿಂತೆಯಿಲ್ಲ ಅವನಿಗೆ
ಸ್ಪರ್ಧಿಸುತ್ತಾನೆ ಬೆಳ್ಳಿಬಂಗಾರದ ಅಕ್ಕ
ಸಾಲಿಗರ, ಕಂಚುಗಾರರ ಜೊತೆಗೆ
ತಾನೂ ಕೃತಕ ವಸ್ತುಗಳ ಮಾಡಬಲ್ಲೆ
ಎಂಬುದೇ ಅವನ ಪೆರ್ಮೆ.
10 : ಬೂದಿಯಂತೆ ಅವನ ಹೃದಯ
ಅವನ ನಿರೀಕ್ಷೆ ಕಸಕ್ಕೆ ಸಮಾನ
ಜೇಡಿಗಿಂತ ಹೀನ ಅವನ ಜೀವನ.
11 : ಕಾರಣ-ಅವನು ಅರಿತಿಲ್ಲ ತನ್ನ
ರೂಪಿಸಿದಾತನನು
ಪ್ರಾಣ ಊದಿ ತನ್ನನು ಸಚೇತನ
ಗೊಳಿಸಿದವನನು
ತನಗೆ ಜೀವಾತ್ಮವನು
ದಯಪಾಲಿಸಿದವನನು.
12 : ಅವನ ಪಾಲಿಗೆ ನಮ್ಮೀ ಬಾಳು ಆಟದ
ಸಾಮಾನು
ಹಣ ಸಂಪಾದನೆಗಾಗಿರುವ ಸಂತೆಬಜಾರು
ಏನೇ ಆಗಲಿ, ರೀತಿ ಎಂತದೇ ಇರಲಿ,
ಲಾಭವೇ ಅವನ ಗೀಳು.
13 : ಒಡೆಯನಿಗೆ ಮಡಕೆಗಳನು, ಮೂರ್ತಿಗಳನು
ಮಾಡುತ್ತಾನೆ ಸುಲಭವಾಗಿ
ವಿಗ್ರಹ ಮಾಡುವುದು ಪಾಪವೆಂದು
ಇತರರಿಗಿಂತಲು ಬಲ್ಲನು ಚೆನ್ನಾಗಿ.
ಈಜಿಪ್ಟರಲ್ಲಿ ವಿಗ್ರಹಾರಾಧನೆ
14 : ಆದರೆ ನಿಮ್ಮ ಪ್ರಜೆಯನು ಪೀಡಿಸಿದ
ಶತ್ರುಗಳು
ಎಲ್ಲರಿಗಿಂತ ನಿರ್ಭಾಗ್ಯರು, ಮಕ್ಕಳಿಗಿಂತ
ಬುದ್ಧಿಹೀನರು.
15 : ದೇವರೆಂದೆಣಿಸಿದರವರು ಜನಾಂಗಗಳ
ಸಕಲ ಪ್ರತಿಮೆಗಳನು
ನೋಡಲು ಅವಕ್ಕೆ ಕಣ್ಣಿಲ್ಲ, ಉಸಿರಾಡಲು
ಮೂಗಿಲ್ಲ,
ಕೇಳಲು ಕಿವಿಯಿಲ್ಲ, ಮುಟ್ಟಲು ಬೆರಳಿಲ್ಲ,
ನಡೆಯಲು ಕಾಲಿಗೆ ಬಲವಿಲ್ಲ.
16 : ಅವುಗಳನ್ನು ಮಾಡಿದವನು ಮನುಷ್ಯ
ಮಾತ್ರದವನು
ತನ್ನ ಪ್ರಾಣವನ್ನೇ ಸಾಲವಾಗಿ ಪಡೆದಿರುವ
ಇವನು
ತನ್ನಂತೆ ದೇವರನು ರೂಪಿಸಲು
ಅಸಮರ್ಥನು.
17 : ನಿರ್ಜೀವವಾದುವು ಮತ್ರ್ಯಮಾನವನ
ದುರ್ಬಲ ಕೈಗಳಿಂದ ಆದವು.
ಅವನು ಪೂಜಿಸುವ ವಸ್ತುಗಳಿಗಿಂತ ಅವನೇ
ಮೇಲಾದವನು.
ಏಕೆಂದರೆ ಅವುಗಳಲ್ಲಿಲ್ಲದ ಪ್ರಾಣ
ಅವನಲ್ಲಿರುವುದು.
18 : ಅಸಹ್ಯವಾದ ಪ್ರಾಣಿಗಳನು ಪೂಜಿಸುತ್ತಾರೆ
ಆ ಶತ್ರುಗಳು
ಬುದ್ಧಿಹೀನತೆಯಲಿ ಇತರ ಪ್ರಾಣಿಗಳಿ
ಗಿಂತಲೂ ಬೀಳು ಅವುಗಳು.
19 : ಅವೇನೂ ಅಷ್ಟು ಸುಂದರವಾಗಿಲ್ಲ
ಬೇರೆ ಪ್ರಾಣಿಗಳಿಗಿಂತ
ದೇವರ ಹೊಗಳಿಕೆಗೂ ಆಶೀರ್ವಾದಕೂ
ಅವು ಬಾಹಿರ.