ಕನ್ನಡ ಕಥೋಲಿಕ ಬೈಬಲ್
1 : ವಹಿಸಿಹನು ಪ್ರಭು,
ರಾಜ್ಯಾಧಿಕಾರವನು /
ಧರಿಸಿಹನು ಘನತೆಯ ವಸ್ತ್ರ ಲಾಂಛನವನು /
ತೊಟ್ಟಿಹನು ಶೌರ್ಯವೆಂಬ ನಡುಕಟ್ಟನು /
ಸ್ಥಿರಪಡಿಸಿಹನು ಕದಲದಂತೆ ಜಗವನು //
2 : ನಿನ್ನ ಸಿಂಹಾಸನ ಸ್ಥಿರ ಆದಿಯಿಂದ /
ನೀನಿರುವೆ ಪ್ರಭು ಅನಾದಿಯಿಂದ //
3 : ಸಮುದ್ರಗಳು ಪ್ರಭು, ಮೊರೆಯುತಿಹವು /
ಗರ್ಜನೆಗೈದು ಭೋರ್ಗರೆಯುತಿಹವು //
4 : ಸಾಗರಗಳ ಗರ್ಜನೆಗಿಂತ /
ಸಮುದ್ರ ತರಂಗಗಳಿಗಿಂತ /
ಮಹೋನ್ನತ ಪ್ರಭು ಬಲವಂತ //
5 : ನಿನ್ನ ಆಜ್ಞೆಗಳು ಪ್ರಭು, ಸುಸ್ಥಿರ /
ನಿನ್ನ ಆಲಯಕೆ ಪವಿತ್ರತೆ ಅರ್ಹ /
ಯುಗಯುಗಾಂತರಕೂ ಅದು ಅರ್ಹ //