ಕನ್ನಡ ಕಥೋಲಿಕ ಬೈಬಲ್
1 : ಪವಿತ್ರ ಪರ್ವತದಲಿ ಕರ್ತನು /
ಸ್ಥಾಪಿಸಿಹನು ತನ್ನ ನಗರವನು //
2 : ಯಕೋಬ ವಂಶದ ಸಕಲ ನಿವಾಸಿಗಳಿಗಿಂತ /
ಸಿಯೋನ್ ದ್ವಾರಗಳು ಆತನಿಗೆ ಸುಪ್ರೀತ //
3 : ದೈವ ಶ್ರೀನಗರವೇ, ಕೇಳು ಇವನ್ನು /
ನಿನ್ನ ಕುರಿತ ಅತಿಶಯೋಕ್ತಿಗಳನು:
4 : “ನನಗೆ ಮಣಿಯುವ ರಾಷ್ಟ್ರಗಳಲಿ / ಈಜಿಪ್ಟ್, ಬಾಬೆಲ್ ದೇಶಗಳನು ಲೆಕ್ಕಿಸುವೆ // ಜೆರುಸಲೇಮಿನ ನಿವಾಸಿಗಳಲಿ / ಪಿಲಿಷ್ಟಿಯ, ಟೈರ್, ಎಥಿಯೋಪಿಯ ಜನ ಸೇರಿವೆ //
5 : ಸಕಲ ಜನಾಂಗಗಳ ಜನನಿ ಸಿಯೋನ್ ನಗರವೇ /
ಅದನು ಸ್ಥಾಪಿಸಿದವ ಪರಾತ್ಪರ ಪ್ರಭುವೇ” //
6 : ಪ್ರಭು ಪಟ್ಟಿಮಾಡುವಾಗ ಸಕಲ
ಜಾತಿಜನಾಂಗಗಳನು /
ನಿನ್ನ ಜನಾಂಗವೆಂದೇ ಪರಿಗಣಿಸುವನು
ಪ್ರತಿಯೊಂದನು //
7 : ಗಾಯಕ ನರ್ತಕರೂ ಹಾಡುವರೀ ಹಾಡ /
“ನಮ್ಮೆಲ್ಲರ ಜೀವದೊರೆತೆ ನೀನೇ ನೋಡ” //