ಕನ್ನಡ ಕಥೋಲಿಕ ಬೈಬಲ್
1 : ಸುಪ್ರಸಿದ್ಧನು ದೇವನು
ಜುದೇಯನಾಡಿನಲಿ /
ಸುಪ್ರಖ್ಯಾತ ಆತನ ನಾಮ ಇಸ್ರಯೇಲಿನಲಿ //
2 : ಆತನ ಬಿಡಾರ ಸಾಲೇಮಿನಲಿ /
ಆತನ ನಿವಾಸ ಸಿಯೋನಿನಲಿ //
3 : ಚೂರು ಚೂರು ಮಾಡಿಹನಲ್ಲಿ ಥಳಥಳಿಸುವ
ಬಾಣಗಳನು /
ಖಡ್ಗ, ಗುರಾಣಿ ಎಂಬೆಲ್ಲ
ಯುದ್ಧಾಯುಧಗಳನು //
4 : ಹೇ ದೇವಾ, ನೀ ತೇಜೋಮಯನು /
ಸ್ಥಿರಗಿರಿಗಳಿಗಿಂತ ಗಂಭೀರನು //
5 : ಕೆಚ್ಚೆದೆಯ ವೀರರು ಸುಲಿಗೆಯಾಗಿ
ಚಿರನಿದ್ರೆಯಲಿಹರು /
ಕೈಕತ್ತರಿಸಿದಂತಿರುವರು ಆ ರಣಧೀರರೆಲ್ಲರು //
6 : ನಿನ್ನ ಒಂದು ಗದರಿಕೆಗೆ, ಯಕೋಬನ ದೇವನೆ /
ರಥಾಶ್ವಬಲಗಳೆಲ್ಲಾ ಬಿದ್ದಿವೆ ಬಿಮ್ಮನೆ //
7 : ನೀನಾದರೋ ದೇವಾ, ಮಹಾಭಯಂಕರನು /
ಸಿಟ್ಟೇರಿದ ನಿನ್ನ ಮುಂದೆ ಯಾವನು
ನಿಂತಾನು? //
8 : ನಿನ್ನ ನಿರ್ಣಯ ಸಗ್ಗದಿಂದ ಕೇಳಿಸಿದಾಗ /
ಭಯಭೀತಿಯಿಂದ ತೆಪ್ಪಗಾಯ್ತು ಸಮಸ್ತ
ಜಗ //
9 : ನ್ಯಾಯಸ್ಥಾಪನೆಗೆ ದೇವನೆದ್ದು ನಿಂತಾಗ /
ಧರೆಯ ದೀನರನುದ್ಧರಿಸಲು ಅನುವಾದಾಗ /
ಭಯಭೀತಿಯಿಂದ ತೆಪ್ಪಗಾಯ್ತು ಸಮಸ್ತ ಜಗ //
10 : ನರರ ಕೋಪ, ದೇವಾ ನಿನ್ನ ಘನತೆಗೆ ಸಾಧಕ /
ಅಳಿದುಳಿದಾ ಕೋಪ ನಿನ್ನ ನಡುಕಟ್ಟಿಗೆ
ಲಾಯಕ //
11 : ನಿಮ್ಮ ದೇವನಾದ ಸ್ವಾಮಿಗೆ ಸಲ್ಲಿಸಿರಿ ಹೊತ್ತ
ಹರಕೆ /
ಸುತ್ತಣರೆಲ್ಲರು ಸಮರ್ಪಿಸಲಿ ಭಯಂಕರನಿಗೆ
ಕಾಣಿಕೆ //
12 : ಅರಸರ ದರ್ಪವನಡಗಿಸಿಬಿಡುವನು /
ಭೂಪತಿಗಳಿಗೋ ಕಂಪನ ಕೊಡುವನು //