ಕನ್ನಡ ಕಥೋಲಿಕ ಬೈಬಲ್
1 : ಯೌವನಾರಭ್ಯ ಶತ್ರುಕಾಡಿದ್ದು
ಎಂತೆಂದು /
ಇಸ್ರಯೇಲ್ ಜನಾಂಗ ವರದಿ ಮಾಡಲಿ
ನಮಗಿಂದು
2 : ಯೌವನಾರಭ್ಯ ನನ್ನನು ಎನಿತೋ
ಬಾಧಿಸಿಹರು /
ನನ್ನ ಮೇಲಾದರೋ ಜಯಗಳಿಸಲಿಲ್ಲ
ಅವರು
3 : ಉಳುವವರು ಎನ್ನ ಬೆನ್ನನೆ ಉತ್ತಿರುವರು /
ಆಳವಾದ ಗಾಯಗೆರೆಗಳನ್ನು ಮಾಡಿಹರು
4 : ನಮ್ಮ ಪ್ರಭುವಾದರೋ ಸತ್ಯಸ್ವರೂಪನು /
ಕಡಿದಿಹನು ದುರುಳರು ಹಾಕಿದ ಕಟ್ಟುಗಳನು
5 : ಸಿಯೋನನ್ನು ದ್ವೇಷಿಸುವ ಜನ /
ಹಿಂದಿರುಗಲಿ ಪಡೆದು ಅಪಮಾನ
6 : ಅವರಾಗಲಿ ಮಾಳಿಗೆ ಮೇಲಿನ ಹುಲ್ಲಿನಂತೆ /
ಒಣಗಿಹೋಗುವುದದು ಹೂ ಬಿಡುವುದಕ್ಕೆ
ಮುಂಚೆ
7 : ತುಂಬುವುದಿಲ್ಲಾ ಕೊಯ್ಯುವವನ ಹಿಡಿಯು /
ಅದರ ಸಿವುಡು ಕಟ್ಟುವವನಾ ಮಡಿಲು
8 : ‘ಪ್ರಭು ನಿನ್ನನು ಆಶೀರ್ವದಿಸಲಿ’ ಎಂಬ
ಮಾತನ್ನಾಗಲಿ |
‘ಪ್ರಭು ನಾಮದಲಿ ನಿನಗೆ
ಶುಭ’ ಎಂದಾಗಲಿ |
ಹಾದುಹೋಗುವ ಜನಜಂಗುಳಿ ಅವರಿಗೆ
ಹೇಳದಿರಲಿ” ||